संतापजनक… अनं प्लॉस्टिक बॅगेत ठेवलेल्या १८ लाख रुपयांना लागली वाळवी…

न्यूज पीसीएमसी नेटवर्क

पिंपरी (दि. २९ सप्टेंबर २०२३) :- उत्तर प्रदेशमध्ये घडलेला धक्कादायक प्रकार उघडकीस आला आहे. एका महिलेने बँकेतील लॉकरमध्ये ठेवलेले दागिणी आणि १८ लाख रुपयांना वाळवी लागली आहे. लेकीच्या लग्नासाठी हे दागिणे आणि पैसे महिलेने हे पैसे बँकेत ठेवले होते.

मुरादाबाद जनपद येथील बँक ऑफ बडोदाच्या आशियाना शाखेत हा धक्कादायक प्रकार घडला आहे. लॉकर कराराचे नुतनीकरण करण्यासाठी बोलावले तेव्हा महिलेला सर्व प्रकार समजला.

मिळालेल्या माहितीनुसार, आशियाना कॉलनीतील निवासी अलका पाठक यांनी ऑक्टोबर २०२२ रोजी बँक लॉकरमध्ये दागिने आणि १८ लाख रुपये मुलींच्या लग्नासाठी ठेवले होते. सोमवारी बँकेकडून लॉकच्या नुतनीकरणासाठी KYC अपडेटसाठी त्यांना बँकेत बोलवण्यात आले. जेव्हा त्यांनी लॉकर उघडले तेव्हा त्यांच्या पायाखालची जमीनच सरकली. प्लॉस्टिक बॅगेत ठेवलेले १८ लाख रुपयांना वाळवी लागली होती. महिलेने बँक मॅनेजरला तक्रार केली आणि गोंधळ घातला. प्रकरण जसे समोर आले तसे वाऱ्याच्या वेगाने सर्वत्र चर्चा सुरू झाली.

अलका पाठक यांनी सांगितले की, ऑक्टोबर २०२२ मध्ये आपल्या लॉकरमध्ये १८ लाख रुपये आणि काही दागिने त्यांच्या दुसऱ्या मुलीच्या लग्नासाठी ठेवले होते. त्यांनी सांगितले की, त्यांना माहित नव्हते की लॉकरमध्ये पैसे ठेवत नाही. अलका पाठकने सांगितले की बँक मॅनजरने सांगितले की, तपासणी केली जाईल जी माहिती मिळाली आहे ती शेअर केली जाईल.