न्यूज पीसीएमसी नेटवर्क
पिंपरी (दि. ४ मे २०१९) :- पिंपरी चिंचवड महापालिकेच्या आठही प्रभाग समितीच्या अध्यक्षपदांच्या निवडणुकीचा कार्यक्रम जाहीर करण्यात आला आहे. आज शनिवार (दि. ४) रोजी दुपारी ३ ते ५ या वेळेत भाजपच्या वतीने प्रभागनिहाय इच्छुक उमेदवारांचे अर्ज दाखल करण्यात आले आहेत.
यात अ क्षेत्रिय कार्यालयातून शर्मिला बाबर, ब क्षेत्रिय कार्यालयातून करुणा चिंचवडे, क क्षेत्रिय कार्यालयातून यशोदा बोइनवाड, ड क्षेत्रिय कार्यालय शशिकांत कदम, इ क्षेत्रिय कार्यालय सुवर्णा बुर्डे, फ क्षेत्रिय कार्यालय योगीता नागरगोजे, ग क्षेत्रिय कार्यालय अर्चना बारणे, ह क्षेत्रिय कार्यालय अंबरनाथ कांबळे यांच्या अर्जांचा समावेश आहे.
पक्षीय बलाबलानुसार प्रत्येक प्रभाग समितीमध्ये भाजपचेच वर्चस्व आहे. त्यामुळे महापालिकेच्या आठही प्रभाग समित्यांवर भाजपचेच अध्यक्ष होणार आहेत. त्यामुळे ९ तारखेला निवडणुकीच्या दिवशी अध्यक्ष निवडीची फक्त औपचारिकताच शिल्लक राहणार आहे.
लोकसभा निवडणुकीत भाजप-शिवसेनेची युती झाली आहे. त्यामुळे स्थानिक पातळीवरही शिवसेनेला झुकते माप मिळेल व एखाद्या प्रभाग समितीचे अध्यक्षपद मिळेल, असा कयास होता. परंतु, युती ही केवळ लोकसभेपुरतीच राहिली. शिवसेनेला या यादीत स्थान मिळाले नाही. अपक्ष आघाडीलाही वाटण्याच्या अक्षताच वाट्याला आल्या आहेत.
न्यूज पीसीएमसी Whatsapp Share करीता आपला मो.नं.रजिस्टर करा.