रावेतमध्ये रस्ता रुंदीकरणासाठी अतिक्रमण कारवाई…

न्यूज पीसीएमसी नेटवर्क

पिंपरी (दि. २५ सप्टेंबर २०२४) :- पिंपरी चिंचवड महानगरपालिकेच्या स्थापत्य प्रकल्प विभागातंर्गत भक्ती शक्ती ते मुकाई चौक या बीआरटी कॉरीडॉर वरील ४५ मीटर उर्वरीत रस्ता विकसित करण्यासाठी नगरचना व विकास विभागाच्या मंजूर विकास आराखड्यानुसार रस्त्याचे भूसंपादन विशेष अधिकारी, पिंपरी यांनी दि.१४/१०/२०१८ रोजीच्या निवड्यानुसार केले होते.

भूसंपादनाच्या अनुषंगाने आज दि.२५/०९/२०२४ रोजी मूळ मालकांनी अडथळा करून अडवलेल्या ठिकाणी कारवाई करणेत आली. कारवाईस ३ पोकलेन, ४ जेसीबी, ५ डंपर सोबत पोलिस शाखेचे ७ महिला काँस्टेबल, ११ पुरुष काँस्टेबल व १ सहाय्यक पोलिस निरीक्षक तसेच महाराष्ट्र सुरक्षा बलाचे ७ महिला व १३ पुरुष यांचेसह पिपंरी चिंचवड मनपाचे अ क्षेत्रिय कार्यालयाचे अतिक्रमण विभागाकडील १० मजुर कर्मचारी होते.

नगररचना विभागाचे २ सर्व्हेअर व अभियंता उपस्थित होते. मनपा आयुक्त यांच्या आदेशानुसार अति.आयुक्त यांच्या नियोजनानुसार स्थापत्य प्रकल्पाचे प्रमोद ओंभासे, प्र. मुख्य अभिंयता-१ यांच्या मार्गदर्शनाखाली कार्यकारी अभियंता बापूसाहेब गायकवाड व विजय भोजने,उप अभियंता संजय काशीद, सुनिल पवार,व ५ कनिष्ठ अभियंता यांनी कारवाई केली. उर्वरीत कारवाई पुढील दोन दिवस चालू राहणार आहे. रस्त्याचे काम पूर्ण झाल्यावर सदरचा रस्ता ४५ मीटर रुंदीच्या पूर्ण क्षमतेने कार्यान्वित होणार आहे. त्यामुळे मुंबईकडे जाणारी,किवळे येथील माळवले नगर या ठिकाणची वाहतूक सुरळीत होणार असल्याचे मुख्य अभियंता प्रमोद ओंभासे यांनी सांगितले.