पिंपरी चिंचवड शहरात पशुगणना..

पशुपालकांना माहिती देण्याबाबत पालिकेचे आवाहन…

न्यूज पीसीएमसी नेटवर्क

पिंपरी (दि. १९ डिसेंबर २०२४) :- महाराष्ट्र शासनाकडील पशुसंवर्धन आणि दुग्धव्यवसाय विभागामार्फत २५ नोव्हेंबर २०२४ ते २८ फेब्रुवारी २०२५ या कालावधीत २१ वी पशुगणना करण्याचे कामकाज चालू केले आहे. पशुगणनेचे कामकाज मे. ऍनिमल हेल्थ ऑरगोनायझेशन या संस्थेमार्फत सुरु आहे.

शासनाच्या विविध विकासाचे नियोजन, धोरणात्मक निर्णय घेणेकामी तसेच दुध, अंडी व मांस या प्रमुख पशुजन्य पदार्थाच्या उत्पादनाची आकडेवारी तयार करणेसाठी पशुगणना महत्वाची आहे.

पिंपरी चिंचवड महानगरपालिका हद्दीतील घरगुती, संस्था व गोशाळा पशुमालकांकडे असलेल्या १६ प्रजातीपैकी (गाय वर्गीय, म्हैस वर्गीयसह पशूंसह, मिथून, मेंढी, शेळी, डुक्कर, घोडा, शिंगरु, खेचर, गाढव, उंट, कुत्रा, ससा, हत्ती) व कुक्कट पशी (कोंबडे-कोंबड्या, बदक, टर्की आणि इमू, क्वेल, गिनी, शहामृग) यांची जाती निहाय, वयोगट तसेच लिंगनिहाय व उपयोगानुसार ५० प्रगणकाकडे माहिती देऊन सहकार्य करावे, असे आवाहन महानगरपालिकेने पशुपालकास केले आहे.