मुंबई-पुणे एक्स्प्रेस वेवर उद्यापासून चार दिवस ब्लॉक…

न्यूज पीसीएमसी नेटवर्क

पिंपरी (दि. २१ जानेवारी २०२५) :- मुंबई-पुणे एक्स्प्रेस वेवर पुलाचे गर्डर उभारण्यास २२ ते २४ जानेवारी या काळात दुपारी १२ ते ३ यावेळेत ब्लॉक घेण्यात येणार आहे. परिणामी, मुंबईहून पुण्याकडे जाणाऱ्या पुणे वाहिनीवरील वाहतूक वळवण ते वरसोली टोल नाका येथून देहूरोड मार्गे मार्गस्थ केली जाणार आहे.

मुंबई-पुणे एक्स्प्रेसवेवर डोंगरगाव आणि कुसगाव स्थानिक वाहतुकीसाठी उन्नत मार्ग उभारण्याचे काम केले जात आहे. २२ ते २४ जानेवारीदरम्यान मुंबई-पुणे वाहिनीवरील वाहतूक दुपारी १२ ते ३ दरम्यान पुण्यापासून ५४ किमीवर वळवण ते वरसोली टोल नाका येथे राष्ट्रीय महामार्ग क्र. ४८ येथून देहूरोड मार्गे पुण्याकडे वळवणार.

दुपारी ३ वाजल्यानंतर ही वाहतूक पुन्हा द्रुतगती मार्गाच्या पुणे वाहिनीवरून सोडण्यात येईल. या कालावधीत पुण्याहून मुंबईकडे जाणारी वाहतूक मुंबई-पुणे एक्स्प्रेसवेवरून नेहमीप्रमाणे सुरू राहणार आहे.