न्यू सिटी प्राईड इंग्लिश मीडियम स्कूलमध्ये संविधान जनजागृती…

न्यूज पीसीएमसी नेटवर्क

पिंपळे सौदागर (दि. २५ जानेवारी २०२५) :- भारतीय संविधान अमृत महोत्सवनिमित्त क्रांतीसुर्य महात्मा ज्योतिबा फुले एज्युकेशन फाउंडेशन संचालित न्यू सिटी प्राईड इंग्लिश मीडियम स्कूलच्या वतीने स्वर्गीय बाळासाहेब कुंजीर मैदान या ठिकाणी सामूहिक संविधानच्या उद्देश पत्रिकेचे वाचन करण्यात आले.

आ. शंकर जगताप, आ. अमित गोरखे, भाजपा शहर कार्याध्यक्ष शत्रुघ्न काटे व संस्थेचे संस्थापक अरुण चाबुकस्वार यांच्या हस्ते डॉ. बाबासाहेब आंबेडकरांच्या प्रतिमेस पुष्पहार अर्पण करुन अभिवादन करण्यात आले. यावेळी माजी क्रीडा सभापती चंद्रकांत नखाते, माजी सभापती महिला बाल विकास समिती निर्मला कुटे, उन्नती फाउंडेशनचे संस्थापक संजय भिसे, चॅलेंजर एज्युकेशन पब्लिक स्कूलचे अध्यक्ष संदीप काटे, कल्चरल फाउंडेशनचे अध्यक्ष विजय भिसे, एम.बी कॉम्पुटरचे प्रोप्रायटर मोहन भालेराव, उद्योजक राहुल भातकुले, सामाजिक कार्यकर्ते युवराज प्रगणे, शाळेचे उपमुख्याध्यापक सचिन कळसाईत, अण्णासाहेब मगर महाविद्यालयाचे मुख्याध्यापक दुलीचंद भोईर व शिक्षक, शिक्षकेतर कर्मचारी उपस्थित होते.

इयत्ता पाचवी ते नववीचे विद्यार्थीही सहभागी झाले होते. शाळेचा शिक्षिका पूजा देवगिरे, भावना देवरे, अनिता रोडे यांनी मराठी, हिंदी व इंग्लिशमध्ये संविधानाबद्दल विद्यार्थ्यांना माहिती दिली. अण्णासाहेब मगर माध्यमिक विद्यालयातील विद्यार्थिनींनी डॉ. बाबासाहेब आंबेडकरांवर रचलेले गीत गायले. एम.बी कॉम्पुटरच्या वतीने इयत्ता १० वी च्या मुलांना परीक्षा पॅड व पेन प्रमुख पाहुण्यांच्या हस्ते देण्यात आले. नागरिकांमध्ये संविधानाची जनजागृती करण्यात आली. निशा पवारने संविधानाच्या उद्देश पत्रिकेचे वाचन करून उपस्थितांना शपथ दिली व आभार उर्मिला ठोंबरेने मानले.