भाऊसाहेब तापकीर प्राथमिक विद्यालयात शिवजयंती उत्साहात साजरी…

न्यूज पीसीएमसी नेटवर्क

पिंपरी (दि. १९ फेब्रुवारी २०२५) :-शिवतेज क्रीडा व शिक्षण मंडळ संचलित कै. श्री भाऊसाहेब तापकीर प्राथमिक विद्यालयात शिवजयंती उत्सव मोठ्या उत्साहात साजरा करण्यात आला. तापकीर चौक, काळेवाडी येथे अध्यक्ष विवेक तापकीर आणि संस्था सचिव मल्हारीशेठ तापकीर यांच्या मार्गदर्शनाखाली आयोजन करण्यात आले होते.

ओम साई ग्रुपचे अध्यक्ष सोमनाथ तापकीर, चंद्रकांत तापकीर सामाजिक कार्यकर्ते, प्रकाश लोहार, PSI कामटे, उमेश शिंदे उद्योजक, तेजस साळवी, प्रशांत कदम, सुहास सूर्यवंशी, गणेश पवार, सचिन दोरगे स्वप्नील जंगम , ऋषीकेश जुंदरे, संदीप सूर्यवंशी म्हसोबा देवस्थान अध्यक्ष शंकर मोटे आदी उपस्थित होते.

सुरुवातीला पाहुण्यांचे स्वागत व प्रतिमा पूजन करण्यात आले. त्यानंतर विविध सांस्कृतिक व प्रबोधनपर कार्यक्रम झाले. शिववंदना, गणेश वंदना आणि शिवजन्म सोहळा या विशेष सादरीकरणांनी उत्सवात रंगत आणली. विद्यार्थ्यांनी शिवनेरीवर शिवबा जन्मला, पोवाडे, भाषणे, जोगवा, नृत्य आणि ‘शिवराज्याभिषेक’ यांसारखी विशेष सादरीकरणे सादर केली. विद्यार्थी पोवाडा संध्या मंडलिक, अथर्व पाटील, सार्थक ढेंगळे, गौरव महाराष्ट्राचा आणि ‘आले मराठे’ या नृत्य सादरीकरणांना विशेष दाद मिळाली. शिक्षिका सोनाली पतंगे आणि स्वाती डहाके यांनी प्रेरणादायी भाषणे केली. शिवाजी महाराजांची आरती करून उत्सवाची सांगता करण्यात आली.

कार्यक्रमाच्या यशस्वीतेसाठी मुख्याध्यापिका जयश्री पवार, संचालिका उल्का जगदाळे, शिक्षकवृंद आणि शिक्षकेत्तर कर्मचारी यांनी विशेष मेहनत घेतली. सूत्रसंचालन सौ. प्रियंका जाधव यांनी केले.