न्यूज पीसीएमसी नेटवर्क
पिंपरी (दि. १२ मार्च २०२५) :- पिंपरी-चिंचवड स्मार्ट सिटी लिमिटेडची अर्धवट स्थितीतील कामे पूर्ण करण्यासाठी प्रकल्प सल्लागाराला पुन्हा दीड वर्षाची मुदतवाढ पिंपरी-चिंचवड महापालिका प्रशासनाने दिली आहे. त्याकरिता महापालिकेवर आणखी ३ कोटी ९५ लाख ९६ हजार ४० रुपये खर्च करणार आहे.
सीसीटीव्ही सर्व्हेलन्स या कामासाठी ई अॅण्ड वाय एलएलपी या कंपनीची प्रकल्प सल्लागार म्हणून ७ जून २०२१ ला नेमणूक करण्यात आली होती. मुदतीमध्येही काम पूर्ण न झाल्याने आता ६ जून २०२५ पर्यंत एका वर्षाची तिसरी मुदतवाढ देण्यात आली आहे.
त्यात सीसीटीव्ही सर्व्हलन्सच्या टप्पा एक व टप्पा दोनसह माहिती व जनसंपर्क विभागाकडील सिटी हब फॉर डाटा अॅण्ड कम्युनिकेशन अशी तीन कामे या सल्लागाराला देण्यात आले आहेत. निविदा न काढता हे काम थेट पद्धतीने देण्यात आले आहे.
प्रकल्प सल्लागार म्हणून तीन मॅनेजमेंट कन्सल्टंट, तीन सीनिअर कन्सल्टंट आणि एक कन्सल्टंट असे सात जणांची नेमणूक केली जाणार आहे. त्यांच्यावर ३ कोटी ९५ लाख ९६ हजार ४० रुपये (अधिक प्रत्यक्ष कर) असा खर्च अपेक्षित आहे.
महापालिकेच्या महापालिकेच्या माहिती व तंत्रज्ञान विभागाच्या प्रस्तावानुसार प्रकल्प सल्लागाराला दीड वर्षांची चौथी मुदतवाढ देण्यास आणि त्यासाठी खर्च करण्यास आयुक्त तथा प्रशासक शेखर सिंह यांनी स्थायी समितीची मान्यता दिली आहे.
न्यूज पीसीएमसी Whatsapp Share करीता आपला मो.नं.रजिस्टर करा.