न्यूज पीसीएमसी नेटवर्क
पिंपरी (दि. २७ मे २०१९) :- पिंपळे सौदागर येथील ग्रीन पन्डा एनव्हायरो सिस्टिम एलएलपीमार्फत पिंपळे सौदागर येथील राधाई नगरी सोसायटीमध्ये १०२ फ्लॅट मधील ओल्या कचऱ्यापासून ६० किलो क्षमता वजनी कंम्पोस्ट खत निर्मिती प्रकल्पाचे उद्घाटन नगरसेवक शत्रुघ्न (बापू) काटे यांच्या हस्ते करण्यात आले. ”क्लिन सौदागर गारबेज फ्री सौदागर” या उपक्रमाचे उद्घाटन यावेळी करण्यात आले.
याप्रसंगी राधाई नगरी को. ऑप.हाउसिंग सोसायटीचे अध्यक्ष विवेक फलक, सेक्रेटरी डॉ.दिपाली गायकवाड, खजिनदार केतन शहा, पिंपळे सौदागर विभागाचे आरोग्य निरीक्षक राकेश सौदाई, ग्रीन पॅन्डा एन्व्हायरो सिस्टिमचे पार्टनर गणेश शिंदे, सौरभ पुरोहित, विजय देशपांडे, शंकर हांडे, उज्वल देशपांडे, संजय होने, पराग देशमुख, प्रतिभा शर्मा, संकेत गुप्ता, राहुल गायकवाड, रितु गायकवाड, कविता पानघंडी, संध्या पानघंडी, अपर्णा कुलकर्णी, वैशाली शहा, पौर्णिमा श्रॉफ, विजय श्रॉफ, प्रमोद कुलकर्णी, वसुंधरा देशपांडे, रूपाली जैन, सोनम जैन, रमेश काटे, किरण जैन, राहुल जैन, किशोर देशमुख, संजय शेलार, मनोज खोटले, लातूरकर, प्रशांत सावंत, पंकज सावेकर व आदी सभासद उपस्थित होते.
यावेळी नगरसेवक शत्रुघ्न काटे म्हणाले की ,”पिंपळे सौदागरची स्मार्ट सिटीसाठी करण्यात आलेली निवड, ही पिंपळे सौदागर परिसरातील नागरिकांनी सतत आपल्या सहभागातून / योगदानमार्फत योग्य ठरवली आहे. प्रशासनासोबत खांद्याला खांदा लावत बरोबरीने ओला कचरा विल्हेवाट या गंभीर प्रश्नावर मात करण्यासाठी तसेच यातून मार्ग काढण्यासाठी महानगरपालिकेला करत असलेले अमूल्य सहकार्य व जनजागृती बद्दल विशेष आभारही मानले.
स्मार्ट सिटी ही फक्त पायाभूत सुविधेमुळे स्मार्ट होत नसते तर, ती सुविधा भोगणारी जनशक्तीसुद्धा स्मार्ट असावी लागते आणि पिंपळे सौदागर वासियांनी हे स्मार्टपणा सतत सिद्ध करून दाखवला आहे. सौदागरमधील काही सोसायटीमध्ये कंपोस्ट खत प्रकल्प राबविण्यात आले आहेत. परिसरातील इतर सोसायटी आणि गृहनिर्माण संस्थांनी देखील अशाच पद्धतीने कंपोस्ट खत प्रकल्प राबवावे. तसेच यामध्ये तयार होणाऱ्या खताचा आपल्याच सोसायटी परिसरातील गार्डनमध्ये वापर करता येईल. एक लोकप्रतिनिधी या नात्याने कंपोस्ट खत प्रकल्प सुरू करण्यासाठी आवश्यक ते सहकार्य करण्यासाठी मी सकारात्मक आहे”, असे काटे यांनी यावेळी सांगितले.
न्यूज पीसीएमसी Whatsapp Share करीता आपला मो.नं.रजिस्टर करा.