न्यूज पीसीएमसी नेटवर्क
पिंपरी-चिंचवड (दि. ११ ऑगस्ट २०२५) :- सालाबादप्रमाणे पिंपळे सौदागर येथील शिवशंभो सेवा मंडळ यांच्या वतीने तिसऱ्या श्रावणी सोमवारनिमित्त शिवलीलामृत ग्रंथ पारायण सोहळ्याचे आयोजन करण्यात आले.
हा उपक्रम मंडळाच्या वतीने गेल्या १३ वर्षांपासून आयोजित केला जात असून, यंदाही परिसरातील असंख्य महिला भगिनींनी उत्साहाने सहभाग नोंदविला.
सोहळ्याची सुरुवात ग्रंथ पूजन व दीपप्रज्वलन माजी विरोधी पक्षनेते विठ्ठल उर्फ नाना काटे यांच्या हस्ते करण्यात आली. त्यांनी सर्व भाविक भक्तांचे स्वागत करताना, मन:शांतीसाठी अशा पारमार्थिक कार्यक्रमांचे आयोजन महत्त्वाचे असल्याचे मत व्यक्त केले.
या प्रसंगी मंडळाचे संस्थापक ज्ञानेश्वर (माऊली) हांडे, ह.भ.प. विलास काटे, अध्यक्ष अनिल मुरलीधर काटे , तसेच नंदकुमार काटे, चंद्रकांत सुलाब काटे, राजू टकले, जयसिंग चव्हाण आणि व्यासपीठ चालक झोपे उपस्थित होते. कार्यक्रमाला परिसरातील माता भगिनी व शंभुभक्त मोठ्या संख्येने उपस्थित राहिले.
न्यूज पीसीएमसी Whatsapp Share करीता आपला मो.नं.रजिस्टर करा.