न्यूज पीसीएमसी नेटवर्क
पिंपरी (दि. १७ जून २०१९) :- प्राधिकरण नागरी सुरक्षा कृती समिती व पिंपरी चिंचवड शहर पोलीस आयुक्तालय यांचे संयुक्त विद्यमाने नुकतेच पिंपरी आयुक्तालय येथे १० वी तसेच १२ वी मध्ये यशस्वीरित्या पास होऊन यश संपादन केलेल्या पोलीस मित्र स्वयंसेवकांच्या अक्षय विजय मुनोत, संजीवनी गोपाळ बिरारी, शुभम जयेंद्र मकवाना, हितेश एकनाथ सरोदे, अनिकेत जयप्रकाश शिंदे या यशस्वी मुलांचा सन्मान शहर अप्पर पोलीस आयुक्त रामनाथ पोकळे यांच्या हस्ते करण्यात आला.
या प्रसंगी प्राधिकरण नागरी सुरक्षा कृती समितीचे विजय पाटील, अर्चना दाभोळकर, विजय मुनोत, संतोष चव्हाण, बाबासाहेब घाळी, गोपाळ बिरारी, मनोज ढाके, देवयानी पाटील, गौरी सरोदे, विभावरी इंगळे उपस्थित होते.
या प्रसंगी अप्पर पोलीस आयुक्त रामनाथ पोकळे म्हणाले,”पोलीस मित्र स्वयंसेवक गेल्या अनेक वर्षांपासून शहर व ग्रामीण पोलिसांना सुरक्षा,बंदोबस्त करिता मदत करीत आहेत.त्यांच्या मुलांनी शालेय तसेच माध्यमिक परीक्षेमध्ये जे यश मिळवले आहे ते उल्लेखनीय आहे.पोलीस कुटुंबियांना याचा सार्थ अभिमान वाटतो, भविष्यातही त्यांना यश प्राप्त व्हावे.”
प्राधिकरण नागरी सुरक्षा कृती समितीचे अध्यक्ष विजय पाटील म्हणाले,” स्वयंसेवक,पोलीस मित्र हे पोलिस आणि नागरिक यांच्यामधील महत्वाचा दुवा म्हणून समितीच्या माध्यमातून पिंपरी चिंचवड शहरात अनेक वर्षांपासून काम करीत आहेत. स्वयंसेवकांच्या या तरुण पिढीने विद्यार्थीदशेत उत्तीर्ण होऊन चांगले यश संपादन केले आहे.त्यामुळेच ह्या सन्मान कार्यक्रमाचे नियोजन आज रोजी करण्यात आले.सर्व यशस्वी विद्यार्थ्यांचे अभिनंदन.”
न्यूज पीसीएमसी Whatsapp Share करीता आपला मो.नं.रजिस्टर करा.