न्यूज पीसीएमसी नेटवर्क
पुणे (दि. ०७ ऑगस्ट २०२६) :- ऑल सेंट्स हायस्कूलच्या इयत्ता पहिली, दुसरी, नववी आणि दहावीच्या विद्यार्थ्यांनी ४ ऑगस्ट रोजी शैक्षणिक भेटीअंतर्गत पुणे येथील जनरल पोस्ट ऑफिस (GPO) ला भेट देत टपाल विभागाच्या कार्यप्रणालीचा प्रत्यक्ष अभ्यास केला.
या भेटीदरम्यान विद्यार्थ्यांना टपाल विभागाच्या दैनंदिन कामकाजाची सविस्तर माहिती देण्यात आली. पत्रे व पार्सल यांची छाननी, शिक्कामोर्तब आणि वितरण प्रक्रिया त्यांनी प्रत्यक्ष पाहिली. तसेच स्पीड पोस्ट, रजिस्टर पोस्ट, मनी ऑर्डर आणि पोस्टल सेव्हिंग्ज योजनांसह विविध टपाल सेवांची माहिती विद्यार्थ्यांना देण्यात आली.
या शैक्षणिक भेटीमुळे भारत पोस्ट देशभरातील नागरिकांना जोडण्यात बजावत असलेली महत्त्वपूर्ण भूमिका तसेच टपाल सेवांमध्ये तंत्रज्ञानामुळे झालेली प्रगती विद्यार्थ्यांना समजली. वर्गाबाहेरील हा अनुभव विद्यार्थ्यांसाठी ज्ञानवर्धक आणि उपयुक्त ठरला.
या प्रसंगी पोस्टमास्तर श्री. अमेय निमसुडकर आणि त्यांचे सहकारी श्री. कुलकर्णी यांनी विद्यार्थ्यांना मार्गदर्शन केले. या उपक्रमाचे ऑल सेंट्स हायस्कूलच्या मुख्याध्यापिका डॉ. मिसेस जेस्सी जयसिंग आणि उपमुख्याध्यापिका श्रीमती मरियम्मा बॉबी यांनी कौतुक केले. तसेच ही शैक्षणिक भेट यशस्वी करण्यासाठी संबंधित वर्गांच्या शिक्षकांनी विशेष परिश्रम घेतले.
न्यूज पीसीएमसी Whatsapp Share करीता आपला मो.नं.रजिस्टर करा.
