घरगुती वादातून पोटच्या मुलाने केली आईला मारहाण

न्यूज पीसीएमसी नेटवर्क

पिंपरी (दि. १५ जुलै २०१९) :-  घरगुती वादातून पोटच्या मुलाने आईच्या अंगावर मिरचीची पुड टाकली. तसेच लोखंडी रॉडने पायावर मारहाण करुन हातपाय तोडण्याची धमकी दिली. ही धक्कादायक घटना रविवारी रात्री दीडच्या सुमारास सिध्दार्थनगर दापोडी येथे घडली.

याप्रकरणी ५५ वर्षीय जखमी आईने भोसरी पोलीस ठाण्यात फिर्याद दिली आहे. त्यानुसार, त्यांचा मुलगा अतुल नवनाथ डांगे (रा. पिंपळे गुरव) याच्या विरोधात गुन्हा दाखल करण्यात आला आहे. भोसरी पोलीस पुढील तपास करत आहेत.