न्यूज पीसीएमसी नेटवर्क
पिंपरी (दि. १२. जून. २०२०) :- पिंपरी चिंचवड महानगरपालिका क्षेत्रामध्ये कोरोना या विषाणुबाबत करण्यात येत असलेल्या कार्यवाहीबाबत आयुक्त दालनात आज बैठक झाली.
या बैठकीस महापौर उषा ऊर्फ माई ढोरे, आमदार लक्ष्मण जगताप, महेश लांडगे, अण्णा बनसोडे, उपमहापौर तुषार हिंगे, स्थायी समिती सभापती संतोष लोंढे, सत्तारुढ पक्षनेते नामदेव ढाके, विरोधी पक्षनेते विठ्ठल ऊर्फ नाना काटे, आयुक्त श्रावण हर्डीकर, नगरसदस्य एकनाथ पवार, संदीप वाघेरे,
नगरसदस्या डॉ. वैशाली घोडेकर, अतिरिक्त आयुक्त संतोष पाटील, अजित पवार, अतिरिक्त आरोग्य वैद्यकीय अधिकारी डॉ पवन साळवे आदी उपस्थित होते.
शहरात कोरोना विषाणूचा वाढता प्रसार लक्षात घेऊन प्रादुर्भाव रोखण्यासाठी करावयाच्या उपाययोजनाबाबत बैठकीत चर्चा झाली. यावेळी आमदारांनी तसेच पदाधिकार्यांनी आपली मते मांडून शहरातील कोरोना परिस्थिती आटोक्यात आणणेबाबत सूचना केल्या.