आज रविवारी कोरोना मृत्यू नियंत्रणात, केवळ ६ जणांचा मृत्यू…

•  १००४ जणांना कोरोनाची बाधा; नऊशेच्यावर रुग्ण कोरोनामुक्त…

न्यूज पीसीएमसी नेटवर्क

पिंपरी (दि. ०६. सप्टेंबर. २०२०) :-  पिंपरी चिंचवड शहरात आज रविवारी (दि. ०६ सप्टेंबर) रोजी १००४ जणांना कोरोनाची बाधा झालेली आहे. पिंपरी चिंचवड हद्दीतील आणि हद्दीबाहेरील अशा ०६ जणांचा कोरोनामुळे मृत्यू झालेला आहे. पिंपरी-चिंचवड शहरातील उपचाराला दहा दिवस पूर्ण झालेल्या आणि कोणतीही लक्षणे नसलेल्या ९०५ जणांना आज डिस्चार्ज देण्यात आला आहे.

यात चिंचवड (पुरुष ७९ वर्षे), दापोडी (पुरुष ७० वर्षे), भोसरी (स्त्री ६९ वर्षे), चाकण (स्त्री ५५ वर्षे), अहमदनगर (पुरुष ८४ वर्षे), बंगाल (पुरुष ८४ वर्षे) येथील रुग्णांचा समावेश आहे.

पिं. चिं. शहरातील सक्रीय रुग्णांची संख्या ५५२३४ वर पोहोचली आहे. शहरातील कोरोनामुक्त रुग्णांची संख्या ४६४०१ वर पोहोचली आहे. आजपर्यंत शहरातील कोरोनामुळे ९२६ जणांचा मृत्यू झालेला आहे. पालिकेने शहरातील कोरोनाने प्रभावित झालेल्या व मुक्त झालेल्या रुग्णांच्या परिसराची माहिती दिलेली नाही.

पावसाळा असल्यामुळे वैद्यकिय विभाग, पिं.चिं. म. न. पा. मार्फत सर्व नागरिकांना आवाहन करण्यात येते की, अत्यावश्यक कारणाशिवाय घराच्या बाहेर पडू नये. तसेच पावसाच्या पाण्यामुळे मास्क ओला होणार नाही याची काळजी व दक्षता यावी. यासाठी किमान एक तरी अतिरिक्त (Extra) मास्क जवळ बाळगावा.