न्यूज पीसीएमसी नेटवर्क
पिंपरी (दि. १२ डिसें.) :- महापौर राहुल जाधव व नगरसेवक नाना काटे यांनी पिंपळे सौदागर येथिल स्मशान भूमीच्या कामाची पाहणी केली. स्मशानभूमी बांधण्यासाठी महापालिकेने दि. १६ सप्टेंबर २०११ रोजी मंजुरी दिली असून, ३ जानेवारी २०१२ रोजी वर्क ऑर्डर देण्यात आली होती. या स्मशानभूमीच्या कामात अम्फीथीएटर, दशक्रिया विधी हॉल, पिंडदान व्यवस्था, ८० मीटर लांब व ८ मीटर रुंद घाट, स्वच्छता गृह, पार्किंग, वाचमन रूम, कंपाउंड वाल, गेट, कमान आदी कामांचा समावेश आहे.
यावेळी ‘ड’ क्षेत्रिय अधिकारी खरोटे, कार्यकारी अभियंता गट्टूवार, उप अभियंता सुनिल पाटील, कनिष्ठ अभियंता नरेश जाधव, प्रशासन अधिकारी बहुरे, सहा. आरोग्य अधिकारी बेंडाळे, गायकवाड, आरोग्य निरीक्षक राकेश सौदाई आदि उपस्थित होते.
या परिसरात अद्ययावत विद्युत दाहिनी उभारण्यात येणार असून त्यासाठी जागा राखीव आहे. या कामापैकी मागील भिंत आणि कमानीचे काम व इतर अनुषंगिक काम पूर्ण करण्याच्या सूचना, महापौर राहुल जाधव आणि नगरसेवक नाना काटे यांनी संबंधित अधिकाऱ्यांना दिल्या आहेत.
न्यूज पीसीएमसी Whatsapp Share करीता आपला मो.नं.रजिस्टर करा.