टीव्हीएस कंपनीचे काम देतो म्हणून एकाची पंचवीस लाखांची फसवणूक..

• भोसरी पोलीस ठाण्यात फिर्याद…

न्यूज पीसीएमसी नेटवर्क

पिंपरी (दि. ३० जानेवारी २०२१) :- टीव्हीएस कंपनीच्या नटबोल्टची एजन्सी मिळवून देतो, असे आरोपीने फिर्यादीला सांगितले. त्यासाठी व मालासाठी लागणारी रक्कम मला द्या, असे सांगितले. त्यानुसार फिर्यादीने वेगवेगळ्या अकाऊंटवर व रोख स्वरुपात रक्कम दिली. मात्र आरोपीने कसलीही एजन्सी दिली नाही.

तसेच अभिनय इंजिनियरिंग वर्क्स या कंपनीची परचेस ऑर्डर देऊन फिर्यादीकडून मटेरियल नेऊन त्याचेही पैसे फिर्यादीला परत न देता फिर्यादीची २४ लाख ९१ हजार ८०० रुपयांची आर्थिक फसवणूक केली.

इंद्रायणीनगर, भोसरी येथे ४ फेब्रुवारी २०१९ ते २९ जानेवारी २०२१ दरम्यान हा प्रकार घडला. मनोज गजानन माने (वय ५०, रा. इंद्रायणीनगर, भोसरी) यांनी याप्रकरणी भोसरी पोलीस ठाण्यात फिर्याद दिली आहे. त्यानुसार राहुल सुभाषचंद्र मिश्रा (रा. भांडूप, मंबई) याच्याविरोधात गुन्हा दाखल करण्यात आला.