न्यूज पीसीएमसी नेटवर्क
पिंपरी (दि. २६ डिसें.) :- महापालिकेच्या आखत्यारीत अनेक झोपडपट्ट्या व गोरगरीब समाज राहतो. या गरजू समाजासाठी ब्लॅंकेट व चादर या गोष्टींची नितांत आवश्यकता आहे. सध्या शहरामध्ये कडाक्याची थंडी पडलेली आहे.
समाजातील वंचित व गोरगरीब घटकांसाठी महापालिकेच्या महिला व बालकल्याण समितीने तसेच स्थायी समितीने ब्लॅंकेट व चादर वाटपाच्या प्रस्तावास मान्यता दिलेली आहे. तरी, अजूनही प्रशासनाकडून ब्लॅंकेट व चादरीचे वाटप झालेले नाही. याबाबत नगरसेविका मीनल यादव यांनी महापालिका आयुक्त श्रावण हर्डीकर यांना मागणीचे निवेदन दिले आहे.
मुंबई महापालिका अधिनियम ६६ प्रमाणे झोपडपट्टी भागातील गोरगरीब जनतेला सेवा-सुविधा पुरवणे ही महापालिकेची जबाबदारी आहे. गोरगरीब जनतेला आपल्या महापालिकेतर्फे ब्लँकेट वाटप झाल्यास त्यांना अत्यंत उपयोगी व त्यांच्या कामी येईल. तरी लवकरात लवकर आयुक्तांनी यात लक्ष घालून, चादर वाटपाचे आयोजन करावे, असे नगरसेविका मिनल यादव यांनी निवेदनात नमूद केले आहे.
न्यूज पीसीएमसी Whatsapp Share करीता आपला मो.नं.रजिस्टर करा.