दुरुस्तीच्या कामांमुळे गुरुवारी शहराचा पाणीपुरवठा बंद..

•  पाण्याचा काटकसरीने वापर करण्याचे पालिकेचे आवाहन…

न्यूज पीसीएमसी नेटवर्क

पिंपरी (दि. ३१ मे. २०२१) :- रावेत येथील अशुद्ध जलउपसा केंद्रातील विद्युत विषयक देखभाल दुरुस्तीच्या कामासाठी गुरुवारी (दि. ३) पाणीपुरवठा बंद राहणार आहे.

गुरुवारी सकाळचा पाणीपुरवठा केल्यानंतर दुरुस्तीच्या कामामुळे सायंकाळाचा पाणीपुरवठा होणार नाही. तर, शुक्रवारी (दि. ४) सकाळचा पाणीपुरवठा विस्कळीत राहणार आहे. त्यामुळे नागरिकांनी पाण्याचा काटकसरीने वापर करण्याचे आवाहन महापालिकेच्या पाणीपुरवठा विभागाने केले आहे.