फ्लॅटचा ताबा वेळेत न दिल्याने ग्राहकाची फसवणूक..

• पुनावळेतील वझरकर असोसिएट्सवर गुन्हा दाखल…

न्यूज पीसीएमसी नेटवर्क

पिंपरी (दि. ०५. जून. २०२१) :- गृहप्रकल्पाचे काम मुदतीत पूर्ण न करता फ्लॅटचा ताबा दिला नाही. ग्राहकांची फसवणूक केल्याप्रकरणी बिल्डरच्या विरोधात गुन्हा दाखल केला आहे. पुनावळे येथे १८ ऑक्टोबर २०१७ ते ३ जून २०२१ या कालावधीत फसवणुकीचा हा प्रकार घडला.

उमेश मनोहरराव वाकोडे (रा. आदर्शनगर, किवळे) असे गुन्हा दाखल झालेल्याचे नाव आहे. नीलकंठ श्रीपतराव वाघमारे (वय ३८, रा. थेरगाव) यांनी याप्रकरणी वाकड पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, आरोपी वझरकर असोसिएट्स (प्रमोटर्स अँड बिल्डर्स) मालक / भागीदार बिल्डर यांनी त्यांच्या लक्ष्मी व्हीला या गृहप्रकल्पामध्ये एका फ्लॅटच्या खरेदीपोटी फिर्यादीकडून २६ लाख ७४ हजार रुपये घेतले. त्यानंतर दिलेल्या मुदतीत गृहप्रकल्पाचे काम पूर्ण केले नाही, तसेच ठरलेल्या मुदतीत फ्लॅटचा ताबा दिला नाही. गृहप्रकल्प पूर्ण करण्यासाठी रेरा प्राधिकरणाकडे अर्ज सादर करून त्यासोबत फिर्यादी यांच्यासह इतर फ्लॅटधारकांच्या बनावट स्वाक्षरीचे संमतिपत्र सादर करून फसवणूक केली असल्याचे फिर्यादीत नमूद केले आहे.