- रहाटणीतील घटना; वाकड पोलीस ठाण्यात गुन्हा दाखल…
न्यूज पीसीएमसी नेटवर्क
पिंपरी (दि. २८ जून २०२१) :- मयत तरून हा रविवारी मित्रांसोबत रहाटणी येथील त्याच्या बहिणीकडे गेला होता. त्यावेळी कारमध्ये आलेल्या आरोपींनी त्याच्यावर हल्ला केला. अचानक हल्ल्यामुळे मयताच्या मित्रांनी त्याला सोडून पळ काढला. आरोपींनी त्याच्या डोक्यावर कोयत्याने सपासप वार केल्याने त्याचा जागीच मृत्यू झाला.
निशांत सुरवसे (वय २२, रा. सज्जनगड, राहटणी) असे खून झालेल्या तरुणाचे नाव आहे. घटनेची माहिती मिळताच पोलिसांचा घटनास्थळी दाखल झाले. वर्चस्ववादातून हा खून झाल्याचा प्राथमिक अंदाज पोलिसांकडून वर्तवला जात आहे.
निशांत सुरवसे हा सराईत गुन्हेगार होता. त्याच्यावर वाकड पोलीस ठाण्यात गंभीर गुन्ह्यांची नोंद आहे. वाकड पोलिसांनी रात्री उशिरा काही संशयितांना ताब्यात घेतले आहे. वाकड पोलीस तपास करीत आहेत.