- मकरसंक्रातीदिनी माऊली ओवसाविनाच…
न्यूज पीसीएमसी नेटवर्क
पिंपरी (दि. १२ जानेवारी २०२२) :- मकरसंक्राती निमित्त माऊलींना ओवसा वाहण्यासाठी राज्यभरातून महिला येत असतात. या दिवशी मंदिर परिसर, इंद्रायणी घाट तसेच आळंदी शहरात प्रचंड गर्दी होत असते. राज्यात सध्या करोनाची तिसरी लाट सुरू आहे.
करोनासह ओमायक्रॉनचा संसर्ग राज्यभर फैलावत आहे. संसर्ग रोखण्यासाठी आवश्यक त्या उपाययोजना करणे शासनाबरोबरच आपणा सर्वांचे कर्तव्य आहे. त्यामुळे मकरसंक्रांत दिवशी संत ज्ञानेश्वर महाराज संजीवन समाधी मंदिर भाविकांना दर्शनासाठी बंद ठेवण्यात येणार आहे.
गुरूवारी (दि. १३) रात्री ८ वाजतापासून ते शनिवार (दि. १५) सकाळी ६ वाजेपर्यंत मंदिर बंद असेल, अशी माहिती श्री ज्ञानेश्वर महाराज संस्थान कमिटीचे प्रमुख विश्वस्त योगेश देसाई यांनी दिली आहे. या कालावधीत श्रीं’चे नित्याचे उपचार आणि परंपरेने होणारे कार्यक्रम मर्यादित स्वरूपात संपन्न होतील. भाविकांना देवस्थानच्या युट्यूब आणि फेसबुक पेजवरून थेट दर्शन घेता येईल.
न्यूज पीसीएमसी Whatsapp Share करीता आपला मो.नं.रजिस्टर करा.
