न्युज पीसीएमसी नेटवर्क
पिंपरी (दि. ८ जून २०२२) :- महिलेच्या घरात जबरदस्तीने घुसून त्यांच्या राहत्या घरातील सामान गोण्यांमध्ये भरून टेरेसवर व जिन्यामध्ये ठेवत होते. त्याबाबत फिर्यादीने विचारणा केली. त्यावेळी आरोपींनी महिलेला शिवीगाळ केली.
जीवे मारण्याची धमकी देऊन अश्लील शेरेबाजी करून बलात्कार करण्याची धमकी देखील आरोपींनी दिली, असे फिर्यादीत नमूद आहे. पिंपळे गुरव येथे मंगळवारी (दि. ७) दुपारी तीनच्या सुमारास हा प्रकार घडला. पीडित महिलेने बुधवारी (दि. ८) सांगवी पोलीस ठाण्यात फिर्याद दिली.
रोहन सुभाष चव्हाण (रा. दारूवाला पूल, पुणे), आकाश उर्फ सनी हेमराज बेलखेडे, वसीम अस्लम शेख, शिवम रामतिरत जैस्वाल, राहुल रवींद्र बाविस्कर आणि चार महिलांच्या विरोधात पोलिसांनी गुन्हा दाखल केला आहे.