” मन चंगा, तो कटौती मे गंगा “; पालिकेत संत रविदासांची जयंती साजरी..

• संत रविदास हे थोर संत, कवी अनं समाजसुधारक – उपआयुक्त घोडके…

न्यूज पीसीएमसी नेटवर्क

पिंपरी (दि. ०५ फेब्रुवारी २०२३) :- संत रविदास हे थोर संत, कवी तसेच सामाजिक एकात्मतेसाठी सतत कार्यरत असणारे थोर समाजसुधारक होते, त्यांनी ” मन चंगा,तो कटौती मे गंगा ” यासारख्या असंख्य दोह्यातून सहज सुंदर आणि सकारात्मक जीवन जगण्यासाठी तसेच समाजात एकीची भावना वृध्दिंगत होण्यासाठी केलेले प्रयत्न व्यापक आहेत.त्यांच्या विचारांचा वारसा सर्वांनी जोपासला पाहिजे असे प्रतिपादन उप आयुक्त रविकिरण घोडके यांनी केले.

पिंपरी चिंचवड महानगरपालिकेच्या वतीने संत रविदास यांच्या जयंतीनिमित्त पिंपरी येथील मुख्य प्रशासकीय इमारतीमधील त्यांच्या प्रतिमेस उप आयुक्त रविकिरण घोडके यांनी पुष्पहार अर्पण करून अभिवादन केले, त्यावेळी जयंती निमित्त उपस्थितांना शुभेच्छा देताना ते बोलत होते.

यावेळी माजी नगरसदस्य गोरोबा गुजर, तानाजी खाडे, जनसंपर्क विभागाचे प्रफुल्ल पुराणिक,सामाजिक कार्यकर्ते प्रल्हाद कांबळे,पांडुरंग कांबळे,नवनाथ जगताप, विष्णू कांबळे, उत्तम मार्वेकर दत्तात्रय कांबळे, उत्तम मोरे, रोहित जगताप, जमाल अहमद चौधरी, दत्तात्रय शिंदे उत्तम मार्वेकर,तेजस्विनी कदम, दत्तात्रय बनसोडे,स्वप्नील डोळस,सुनिल कदम,संभाजी गायकवाड,जितेंद्र चौधरी, योगेश कदम, शशांक शर्मा, उमेश वायकर, सहबाज चौधरी, दिनेश कुटे, कैलास सोनवणे, विष्णू सोनवणे, किशोर सोनवणे, अमन सुतार, बाबा हनवले, मकसूद भाई,विकास उबाळे, राजू पाटील, अक्षय नाईकवाडे, फिरोज शेख,फरियाज अहमद, तानाजी काळे, के.के.कांबळे,रमेश पाचांगे, दत्ता आसवले, परमेश्वर बनसोडे, अभिनव साबळे, भुजाजी भोजने,नवनाथ वाघमारे, रखमाजी गोरे, हरीश ताठे, संतोष रोकडे, देविदास ताटे, राजाभाऊ रोकडे, विजय रोकडे,अशोक कदम,रामेश्वर पाचारे आदी उपस्थित होते.

भारतभर भ्रमण करून सामाजिक सुधारणा घडवून आणण्यासाठी केलेल्या महान कार्य केल्यामुळे संत रविदास महाराज यांची जयंती देशभर त्याचप्रमाणे सर्व शासकीय कार्यालयात देखील उत्साहात साजरी करण्यात येते असे उप आयुक्त रविकिरण घोडके यांनी सांगितले.