पिंपरी चिंचवड शहराचा गुरूवारचा पाणीपुरवठा राहणार बंद…

न्यूज पीसीएमसी नेटवर्क

पिंपरी (दि. १३ जून २०२३) :- पिंपरी चिंचवड शहराचा गुरूवारी (दि. १५) रोजी सकाळचा पाणीपुरवठा नियमीत वेळेनुसार होणार असुन संध्याकाळचा पाणीपुरवठा बंद राहणार आहे.

दुरुस्तीच्या कामासाठी सर्व पाणीपुरवठ्याची यंत्रणा बंद ठेवल्यामुळे शहरातील सर्व भागात दुस-या दिवशी म्हणजेच शुक्रवार (दि. १६) रोजी होणारा सकाळचा पाणीपुरवठा अनियमित व कमी दाबाने होईल.

पिंपरी चिंचवड महानगरपालिकेकडील पाणी पुरवठा विभागाच्या रावेत येथील अशुद्ध जलउपसा केंद्रातील विद्युत विषयक देखभाल दुरुस्तीची कामे करणे, सेक्टर क्र.२३ निगडी येथील जलशुध्दीकरण केंद्रातील विद्युत व पाणीपुरवठा विषयक नियमित देखभाल दुरुस्तीची आवश्यक कामे करणे व शहरातील पाणी वितरण व्यवस्थेतील दुरुस्तीची कामे हाती घेणे आवश्यक आहे. नागरिकांनी महापालिकेकडील उपलब्ध पाण्याचा पुरेसा साठा करून काटकसरीने वापर करावा, असे आवाहन पालिकेने केले आहे.