पिंपरीत दोन दिवसीय महाआरोग्य शिबिराचे आयोजन..

• मा. नगरसेवक संदीप वाघेरे यांच्या वाढदिवसानिमित उपक्रम…

न्यूज पीसीएमसी नेटवर्क

पिंपरी (दि. २१ ऑगस्ट २०२३) :- मा. नगरसेवक संदीप बाळकृष्ण वाघेरे यांच्या वाढदिवसानिमित्त महाआरोग्य शिबिराचे आयोजन करण्यात आलेले आहे. या शिबिराचे आयोजन पिंपरीतील शिवराज्य चौकातील माजी नगरसेवक संदीप वाघेरे यांच्या जनसंपर्क कार्यालयात शनिवारी (दि. २६ व २७ ऑगस्ट २०२३) रोजी सकाळी ११ ते ५ या वेळेमध्ये करण्यात आले आहे तसेच सोमवारी (दि. २८) रोजी रक्तदान शिबिराचे आयोजन करण्यात आले आहे. या कार्यक्रमास पुणे जिल्हयातील अनेक धर्मादाय रुग्णालयांनी सहभाग घेतला असून अनेक गरीब गरजू रुग्णांना विविध योजनांचा लाभ घेणे शक्य होणार आहे.

शिबिरामध्ये हृदयरोग शस्त्रक्रिया व प्रत्यारोपण, किडनी विकार प्रत्यारोपण,कॉकलर इंप्लांट, लिव्हर प्रत्यारोपण, गुडघे प्रत्यारोपण, हाडांचे व मणक्यांचे आजार, हिप प्रत्यारोपण, कॅन्सर शस्त्रक्रिया व केमोथेरेपी, प्लास्टिक सर्जरी, दंतरोग, नेत्ररोग, नेत्ररोग, बालरोग व शस्त्रक्रिया, मेंदूची शस्त्रक्रिया, आयुर्वेदिक उपचार, मूत्र मार्गाचे विकार, त्वचा विकार, फाटलेली टाळू व ओठांवरील शस्त्रक्रिया, बॉडी चेकअप, एपिलीप्सी. फिट येणे, होमियोपथी, कान नाक घसा, अनियमित रक्तदाब, मधुमेह, किशोरवयीन मुलींचे समुपदेशन, गरोदर मातांची तपासणी, लहान मुलांच्या हृदयामधील छिद्राची शस्त्रक्रिया, मोफत एन्जिओग्राफी, आयुर्वेदिक या आजारांवर मोफत तपासणी व उपचार होणार आहेत. औषधोपचार किंवा शस्त्रकिया करण्यासाठी या महाआरोग्य शिबीराचे आयोजन करण्यात आले आहे.

शिबिरामध्ये सहभाग घेण्यासाठी अमित कुदळे (९६७३४९४१४९), राजेंद्र वाघेरे (९९२२८६३८९३), रंजना जाधव (९७६६४८७२३६), हनुमंत वाघेरे (९६५७७४८५०५) यांच्याशी संपर्क साधावा, असे आवाहन आयोजकांच्या वतीने करण्यात आले आहे.