लोकसभेतील अपयशानंतर अजित पवार पुन्हा ग्राउंडवर..

• शहरात राष्ट्रवादीकडून पाच दिवसीय ‘शासन आपल्या दारी’ उपक्रमाचे आयोजन…

न्यूज पीसीएमसी नेटवर्क

पिंपरी (दि. ०९ जून २०२४) :- पिंपरी चिंचवड शहर राष्ट्रवादी (अजित पवार गट) च्या वतीने राज्याचे उपमुख्यमंत्री अजित पवार यांच्या सुचनेनुसार चिंचवड विधानसभा मतदार संघात अप्पर तहसिल कार्यालय व मुळशी तहसिल कार्यालय यांच्या संयुक्त विद्यमाने पाच दिवसीय ‘शासन आपल्या दारी’ हा उपक्रम राबविण्यात येणार आहे.

याची माहिती देण्यासाठी शहरातील प्रमुख नेते मंडळींच्या उपस्थितीत पत्रकार परिषदेचे आयोजन करण्यात आले होते. हा कार्यक्रम सोमवारी (दि. १० जून, १४ जून, १८ जून, १९ जून, २४ जून) दरम्यान चिंचवड विधानसभेतील विविध भागात राबविण्यात येणार असल्याची माहिती शहराध्यक्ष अजित गव्हाणे यांनी दिली.

यावेळी महिला अध्यक्षा कविता आल्हाट, कार्यक्रमाच्या मुख्य संयोजिका मा. नगरसेविका माया बारणे, कार्याध्यक्ष मा. नगरसेवक राहुल भोसले, शाम लांडे, मोरेश्वर भोंडवे, माजी नगरसेवक कैलास बारणे, महारष्ट्र प्रदेश ओबीसी निरीक्षक ॲड.सचिन औटे, ओबीसी शहराध्यक्ष विजय लोखंडे व दीपक साकोरे उपस्थित होते.