न्यूज पीसीएमसी नेटवर्क
पिंपरी (दि. १५ ऑक्टोबर २०२४) :- बिअर शॉपी चालकाकडून पाच हजार रुपयांची लाच घेताना पोलिस हवालदारास अटक करण्यात आली. लाचलुचपत प्रतिबंधक विभागाने सोमवारी (दि. १४) मंत्रा सिटी रोड, तळेगाव दाभाडे येथे ही कारवाई केली.
सतीश अरुण जाधव (वय ४२) असे अटक करण्यात आलेल्या तळेगाव हवालदाराचे नाव आहे. लाचलुचपत प्रतिबंधक विभागाने दिलेल्या माहितीनुसार, तक्रारदार बिअर शॉपी चालवित असून त्यांच्या मालकीच्या दोन बिअर शॉपी आहेत. दरम्यान, पोलिस हवलदार सतीश जाधव यांनी बिअर शॉपी चालु ठेवण्यासाठी, त्रास न देण्यासाठी तसेच दाखल न करण्यासाठी बारा हजार रुपयांची मागणी केली. याबाबत तक्रारदार यांनी लाचलुचपत प्रतिबंधक विभागाला माहिती दिली. त्यानुसार, संबंधित तक्रारीची पंचासमक्ष पडताळणी करण्यात आली.
दरम्यान, लाचलुचपत विभागाने सापळा रचून आरोपी सतीश जाधव याला पाच हजार रुपयांची लाच घेताना रंगेहात पकडण्यात आले. याप्रकरणी तळेगाव दाभाडे पोलिस ठाण्यात रात्री उशिरापर्यंत गुन्हा दाखल करण्याचे काम सुरू होते.
न्यूज पीसीएमसी Whatsapp Share करीता आपला मो.नं.रजिस्टर करा.