बनावट कागदपत्रांच्या आधारे जमीन हडपण्याचा प्रयत्न…

न्यूज पीसीएमसी नेटवर्क

पिंपरी (दि. १३ डिसेंबर २०२४) :- बनावट कागदपत्रे तयार करून जमिनीचा ताबा मिळवला. मोबदला देण्याचे ठरवून जमीन मालकास मोबदला न देता सात जणांनी फसवणूक केली. च-होली खुर्द येथे २००३ ते ११ डिसेंबर २०२४ या कालावधीत ही घटना घडली.

याप्रकरणी महिलेने आळंदी पोलिस ठाण्यात फिर्याद दिली. राहुल दिनकर पायगुडे (रा. शिवणे), हेमंत वसंत पाटे (रा. धनकवडी), चंद्रशेखर विजयलिंग महाजन (रा. कात्रज), दामोदर कोंडीबा जगताप, संजय दामोदर जगताप आणि दोन महिलांच्या विरोधात पोलिसांनी गुन्हा दाखल केला.

पोलिसांनी दिलेल्या माहितीनुसार, फिर्यादी यांची च-होली खुर्द येथे वडिलोपार्जित ३५ गुंठे जमीन होती. २००३ मध्ये संशयितांनी फसवण्याचा उद्देशाने त्या जमिनीचे साठेखत करून घेतले. त्यानंतर २००५ मध्ये २३.३४ गुंठे जमीन खरेदी करून त्याचा मोबदला दिला नाही. उर्वरित ११.६६ गुंठे जागेचे कुलमुखत्यारपत्र व विकसन करारनामा करून या करारनाम्यात डिपॉझिट २० लाख रुपये व ११ सदनिका देण्याचे कबूल केले. मात्र, प्रत्यक्ष हा मोबदला न देता बनावट कागदपत्रांच्या आधारे जमिनीवर बेकायदेशीरपणे ताबा मिळवून फसवणूक केली. सहायक पोलिस आयुक्त राजेंद्रसिंग गौर तपास करीत आहेत.