आळंदीत वारकरी शिक्षण देणाऱ्या संस्थेत अल्पवयीन बालकांवर अत्याचार..

• अठ्ठावीस वर्षीय महाराज गजाआड… 

न्यूज पीसीएमसी नेटवर्क

पिंपरी (दि. ०६ जानेवारी २०२५) :- आळंदी येथील वारकरी शिक्षण देणाऱ्या संस्थेतील दोन अल्पवयीन वारकरी साधक विद्यार्थ्यांसोबत राहणाऱ्या अठ्ठावीस वर्षीय महाराजने अनैसर्गिक लैंगिक कृत्य केल्याची धक्कादायक घटना उघडकीस आली आहे.

यात महाराजाला एका महिलेनेदेखील मदत केल्याचे समोर आले आहे. आळंदी पोलिसांनी आरोपीवर पोस्को अंतर्गत गुन्हा दाखल केला आहे. महेश नामदेव मिसाळ ऊर्फ मामा (वय २८ रा. खोकरमोहा, ता. शिरूर कासार, जि. बीड) असे आरोपीचे नाव असून, त्याला अटक करण्यात आली तर साथीदार महिलेवरील आरोपाचा तपास सुरू असून तिला अद्याप अटक करण्यात आलेली नाही.

याबाबत आळंदी पोलिसांनी दिलेली माहिती अशी की, आळंदी येथे वारकरी शिक्षण देणारी खासगी संस्था आहे. यात अल्पवयीन मुले वारकरी शिक्षण घेत आहेत. आरोपी येथे देखरेखीचे काम पाहत होता. शनिवारी (दि.४) रात्री दोन-अडीच वाजण्याच्या सुमारास आरोपीने सर्व मुले झोपली असताना त्यांच्यासोबत अनैसर्गिक कृत्य केले. याबाबत सदर महिलेला समजल्यावर तिने प्रकार झाकण्याचा प्रयत्न केला, मुलांनी याबाबत आपल्या आईला सांगितल्यावर सदर प्रकार उघडकीस झाला असून मुलाच्या आईने फिर्याद दिल्यावर महराजाला गजाआड करण्यात आले आहे. पुढील तपास आळंदी पोलिस करत आहेत.