कुंभमेळ्याच्या नावाखाली होऊ शकते आपली फसवणूक..

• पिंपरी चिंचवड पोलिसांच्या सायबर शाखेने जारी केल्या मार्गदर्शक सूचना…

न्यूज पीसीएमसी नेटवर्क

पिंपरी (दि. ०९ जानेवारी २०२५) :-  कुंभमेळा या धार्मिक कार्यक्रमाच्या निमित्ताने सायबर गुन्हेगार इंटरनेटच्या माध्यमातून डिजीटल सुविधेचा गैरवापर करून भाविकांच्या श्रद्धेचा गैरफायदा घेत आहेत.

बनावट वेबसाइट, लिंक, किंवा इतर माध्यमांचा वापर करून नागरिकांची फसवणूक करत असल्याचे गृहमंत्रालय, भारत सरकार तसेच Indian Cybercrime Co- ordination Center(14C) यांचे निदर्शनास आले आहे. पिंपरी चिंचवड पोलीस सायबर पोलीस ठाणेने नागरीकांना सतर्क राहण्याचे आवाहन केले आहे.

संभाव्य फसवणूक प्रकार…

१. बनावट वेबसाइट :- कुंभमेळ्यासाठी देणगी गोळा करण्याच्या नावाखाली बनावट वेबसाइटचा वापर करून आर्थिक फसवणूक केली जाते.

२. ऑनलाइन बुकींगद्वारे फसवणूक :- भाविकांसाठी निवास व्यवस्था दर्शन पास इत्यादी बुकींगच्या नावाखाली बनावट वेबसाइट द्वारे पैसे उकळले जात आहेत.

नागरिकांसाठी महत्त्वाच्या मार्गदर्शक सुचना :-

• बनावट लिंक टाळाः कुंभमेळासंबंधी बनावट लिंक, बेवसाईटस किंवा मेसेजवर क्लिक करू नका.
• सत्यता तपासा कुंभमेळा संबंधी अधिक माहीतीसाठी https://kumbh.gov.in अधिकृत वेबसाइट वर संपर्क साधावा
• आपली गोपनीय माहिती शेअर करू नका, बँक खाते क्रमांक, पासवर्ड, किंवा इतर कोणतीही संवेदनशील माहिती कोणालाही देऊ नका.
• फसवणुकीचा संशय आल्यास सायबर हेल्पलाइन cybercrime.gov.in किया 1930 पर संपर्क साधा.