न्यूज पीसीएमसी नेटवर्क
पिंपळे सौदागर (दि. 16 ऑगस्ट 2025) :- ‘आजादी का अमृत महोत्सव’ आणि हर घर तिरंगा अभियानाच्या निमित्ताने शत्रुघ्न काटे युथ फाउंडेशनतर्फे पिंपळे सौदागर व परिसरात मोफत तिरंगा वाटप कार्यक्रम तसेच ऑपरेशन सिंदूर या विशेष उपक्रमाचे आयोजन करण्यात आले. सकाळपासून सुरु झालेल्या या उपक्रमाला शेकडो नागरिकांचा उत्स्फूर्त प्रतिसाद मिळाला.
ऑपरेशन सिंदूर अंतर्गत परिसरातील चौक व सार्वजनिक ठिकाणी तिरंगा फडकावून देशभक्तीचा संदेश जनमानसात पोहोचविण्यात आला.
भाजप शहराध्यक्ष शत्रुघ्न काटे यांनी यावेळी मार्गदर्शन करताना म्हटले
“हर घर तिरंगा आणि ऑपरेशन सिंदूर या उपक्रमांचे उद्दिष्ट म्हणजे देशभक्तीची भावना प्रत्येकाच्या मनामनात पोहोचवणे होय. राष्ट्रध्वज हा आपल्या स्वाभिमान, एकता आणि बलिदानाचे प्रतीक आहे. नागरिकांनी दिलेला आजचा उत्स्फूर्त प्रतिसाद पाहून अभिमान वाटतो. लहानांपासून ज्येष्ठांपर्यंत सर्वांनी घेतलेला सहभाग पाहून माझा विश्वास दृढ झाला आहे की पुढची पिढी देशभक्तीची परंपरा अधिक जोमाने पुढे नेईल.”
यावेळी नागरिकांनी तिरंगा स्वीकारून १५ ऑगस्ट रोजी आपल्या घरावर फडकविण्याचा संकल्प केला. उपक्रमाचे उद्दिष्ट प्रत्येक घरावर राष्ट्रध्वज फडकवून एकता व देशप्रेम वृद्धिंगत करणे हे होते.
शत्रुघ्न काटे युथ फाउंडेशनच्या कार्यकर्त्यांनी दिवसभर नागरिकांना मार्गदर्शन करून तिरंग्यांचे वाटप केले व परिसरात देशभक्तीचा उत्साह पसरवला.
या प्रसंगी प्रमोद चौधरी, संदिप काटे, अनिता काटे, संजय भिसे, अरुण चाबुकस्वार, वैशाली खाडेय, संदेश काटे, दिपक नागरगोजे, मनोज ब्राम्हणकर, सागर बिरारी तसेच परिसरातील महिला, तरुण, ज्येष्ठ नागरिक व इतर मान्यवर उपस्थित होते.
न्यूज पीसीएमसी Whatsapp Share करीता आपला मो.नं.रजिस्टर करा.