अंमली पदार्थ विरोधी मोहिमेत मोठी कारवाई..

• चार गुन्हेगारी टोळ्यांवर गुन्हे दाखल…

न्यूज पीसीएमसी नेटवर्क

 पिंपरी (दि. ४ सप्टेंबर २०२५) :- पिंपरी-चिंचवड शहर पोलिसांच्या अंमली पदार्थ विरोधी मोहिमेत (MOCA) गुन्हेगारांवर मोठी कारवाई करण्यात आली आहे. गुन्हा शाखेच्या पथकांनी विविध ठिकाणी छापे टाकून मोठ्या प्रमाणावर अंमली पदार्थ जप्त केले.

या कारवाईत १३९ किलो गांजा व २५ किलो इतर मादक पदार्थ जप्त करण्यात आले असून एकूण ८ गुन्हे दाखल झाले आहेत. कोट्यवधी रुपयांचा माल जप्त करून अनेक आरोपींना अटक करण्यात आली आहे.

पोलिसांच्या माहितीनुसार, या प्रकरणात खालील टोळ्यांविरुद्ध कारवाई करण्यात आली :

• शेखर नागरे गट (कसबा पेठ परिसर)
• सुहैल पठाण गट (औंध परिसर)
• नितीन जगताप गट (भोसरी परिसर)
• गणेश कदम गट (वाकड परिसर)

या टोळ्यांवर संबंधित कलमानुसार गुन्हे दाखल झाले असून पुढील तपास सुरू आहे. अंमली पदार्थ विक्रीची साखळी उघड करण्यासाठी पोलिसांचे प्रयत्न सुरू आहेत.

या कारवाईत गुन्हा शाखेचे अधिकारी, स्थानिक पोलिस कर्मचारी आणि विशेष पथक सहभागी झाले. पोलिस आयुक्तालयाकडून कळविण्यात आले की, अंमली पदार्थांचा व्यवसाय करणाऱ्यांवर अशाच पद्धतीने कठोर कारवाई केली जाणार आहे.