स्व. अण्णासाहेब पाटील जयंतीनिमित्त शिवसेना प्रणित महाराष्ट्र मजदूर संघटनेतर्फे अभिवादन…

• माथाडी कामगारांचे भाग्यविधाते, प्रेरणादायी कार्याची आठवण…

न्यूज पीसीएमसी नेटवर्क

पिंपरी-चिंचवड (दि. २५ सप्टेंबर २०२५) :- अखिल भारतीय मराठा महासंघाचे संस्थापक आणि माथाडी कायद्याचे जनक, माथाडी कामगारांचे भाग्यविधाते स्व. आमदार अण्णासाहेब पाटील यांच्या जयंतीनिमित्त शिवसेना प्रणित महाराष्ट्र मजदूर संघटनेतर्फे अभिवादन करण्यात आले.

या प्रसंगी चिंचवड येथील के. एस. बी. चौकात स्व. अण्णासाहेब पाटील यांच्या पुतळ्यास पुष्पहार अर्पण करून स्मृतिपूजन करण्यात आले.

कार्यक्रमात बोलताना शिवसेना उपनेते इरफानभाई सय्यद म्हणाले, “स्व. अण्णासाहेब पाटील यांनी माथाडी कामगारांना हक्काचे स्थान मिळवून दिले. त्यांचे कार्य प्रेरणादायी असून आजही कामगारांच्या संघर्षाला दिशा देणारे आहे.”

या कार्यक्रमाला महाराष्ट्र मजदूर संघटनेचे उपाध्यक्ष भिवाजी वाटेकर, कार्याध्यक्ष परेश मोरे, जनरल सेक्रेटरी प्रविण जाधव, पांडुरंग कदम, पांडुरंग काळोखे, सर्जेराव कचरे, पांडुरंग पठारे, अशोक साळुंखे, सतीश कंटाळे, गोरक्ष दुबाले, समर्थ नाईकवाडे, नागेश व्हनवटे, मनोज मंजाळ, अमित पासलकर, बबन काळे, दादा कदम, उद्धव सरोदे, माऊली पाचपुते, अशोक साळुंखे, श्रीकांत मोरे, भारत मंजाळ, काळोखे मामा, विश्वनाथ गांगड, नाना नाईकवाडे, विजय खंडागळे, गिरीश देशमुख, रतन भोजने, आयुष शिंदे, गणेश नाइकवाडे, भरत मंजाळ यांसह सर्व पदाधिकारी, विविध माथाडी टोळ्यांचे मुकादम आणि मोठ्या संख्येने सभासद कामगार उपस्थित होते.