‘चार बटणे कमळाची पाच वर्षे विकासाची’ – विनोद नढे…

• काळेवाडीत कार्यकर्त्यांसह नढे यांचा घरभेटीवर जोर…

न्यूज पीसीएमसी नेटवर्क

काळेवाडी (दि. ०६ जानेवारी २०२६) :- येत्या १५ जानेवारीला होणाऱ्या पिंपरी-चिंचवड महापालिका निवडणुकीसाठी प्रभाग क्रमांक २२ (काळेवाडी, विजयनगर, आदर्शनगर, पवनानगर, ज्योतीबा नगर, नढेनगर, कोकणे नगर आणि राजवाडेनगर) येथे भारतीय जनता पक्षाच्या उमेदवारांचा प्रचार जोरदार सुरू आहे.

भारतीय जनता पार्टीचे अधिकृत उमेदवार अ) पाडळे निता विलास, ब) कोमलताई सचिन काळे, क) विनोद जयवंत नढे आणि ड) हर्षद सुरेश नढे हे घरोघरी जाऊन मतदारांशी संवाद साधत आहेत.

सोमवार (दि. ०५) रोजी विजयनगर येथील शांती कॉलनी १, २ व ३ परिसरात प्रचार करण्यात आला. “चार बटणे कमळाची-पाच वर्षे विकासाची” या घोषणेसह पथनाट्य, लघुभेटी आणि संवादाच्या माध्यमातून पक्षाचा संदेश पोहोचविण्यात आला.

विनोद जयवंत नढे म्हणाले, “गेल्या काही वर्षांत मूलभूत सुविधांचा वेगाने विकास करण्याचा आमचा प्रयत्न राहिला आहे. पाणी, रस्ते, स्वच्छता, उद्याने आणि सुरक्षितता या सर्व क्षेत्रांत प्रभागाला पुढे नेण्याचा संकल्प आम्ही केला आहे. नागरिकांचा विश्वास हेच आमचे बळ असून संधी दिल्यास विकास अधिक वेगाने व नियोजनबद्ध रितीने पूर्ण करू.”