न्यूज पीसीएमसी नेटवर्क
पिंपरी (दि. २४ जून २०१९) :- औंध येथील रयत शिक्षण संस्थेचे, डॉ. बाबासाहेब आंबेडकर महाविद्यालयाच्या प्राचार्यपदी डॉ. शिवलिंग मेनकुदळे यांची नियुक्ती झाली असून, याअगोदर त्यांनी श्रीपतराव कदम महाविद्यालय, शिरवळ या ठिकाणी प्राचार्य म्हणून उत्कृष्ट कार्य केले आहे. त्यांनी मराठी विषयांमधून एम. एम., एम. फिल., पीएच.डी. पदवी प्राप्त केली असून, रयत शिक्षण संस्थेत गेली चोवीस वर्षापासून मराठी विषयाच्या अध्यापनाचे कार्य करीत आहेत. त्यांच्या मार्गदर्शनाने एम.फिल., पीएच.डी.च्या आठ विद्यार्थ्यांनी पदवी प्राप्त केली आहे.
आंतरराष्ट्रीय आणि राष्ट्रीय रिसर्च जर्नलमध्ये एकोणीस रिसर्च पेपर प्रकाशित झाले असून, आंतरराष्ट्रीय आणि राष्ट्रीय सेमिनार कॉन्फरन्स मध्ये एकोणीस रिसर्च पेपरचे वाचन केले आहे. तसेच आंतरराष्ट्रीय आणि राष्ट्रीय सेमिनार, कॉन्फरन्समध्ये सव्वीस ठिकाणी त्यांनी सहभाग घेतला होता. यू.जी.सी. ने मंजूर केलेला एक रिसर्च प्रोजेक्ट त्यांनी पूर्ण केला आहे.
मराठी साहित्यातील अकरा पुस्तकांमधून त्यांनी लेखन केले आहे. शिवाजी विद्यापीठ कोल्हापूर या ठिकाणी त्यांनी विविध कमिट्यांवर कार्य केले असून, रयत शिक्षण संस्थेच्या विविध कमिट्यांवर देखील त्यांनी मोलाची भूमिका अदा केली आहे. त्यांच्या कार्याची दखल घेऊन त्यांना अभयसिंह भोसले स्मृती शैक्षणिक पुरस्कार, राष्ट्रीय शिक्षण क्रांती पुरस्कार, बॅरिस्टर पी. जी. पाटील आदर्श शिक्षक पुरस्काराने सन्मानित करण्यात आले आहे. रयत शिक्षण संस्थेने त्यांच्या शैक्षणिक कार्याची दखल घेऊन त्यांची प्राचार्यपदी नियुक्ती केली आहे.
न्यूज पीसीएमसी Whatsapp Share करीता आपला मो.नं.रजिस्टर करा.