न्यूज पीसीएमसी नेटवर्क
पिंपरी (दि. २० जुलै २०१९) :- विद्यार्थ्यांच्या शैक्षणिक सोयीसाठी एस. एस. पी. शिक्षण संस्थेमार्फत सिद्धी कॉलेज ऑफ फार्मसी हे महाविद्यालय नेवाळे वस्ती, चिखली येथे सुरु करण्यात आले असल्याची माहिती संस्थेचे संस्थापक अध्यक्ष एस. बी. पाटील यांनी दिली.
या महाविद्यालयास शैक्षणिक वर्ष २०१९ -२० साठी बी. फार्मसी’साठी आणि डी. फार्मसी’साठी साठ जागांची मान्यता मिळाली आहे. या महाविद्यालयाचा डी.टी. ई. कोड क्रमांक ६९२७ असल्याची माहिती प्राचार्य डॉ. पी. एन. साबळे यांनी दिली.
या महाविद्यालयास दिल्लीच्या फार्मसी कौन्सिल ऑफ इंडिया, अखिल भारतीय तंत्रशिक्षण परिषद व तंत्रशिक्षण संचालनालय महाराष्ट्र राज्य तंत्रशिक्षण मंडळ मुंबई यांची मान्यता मिळालेली आहे. पिंपरी-चिंचवड परिसरातील विद्यार्थ्यांना फार्मसी पदवी, पदविका संपादन करून या क्षेत्रात करिअर करण्याची संधी असल्याचे एस.बी. पाटील यांनी सांगितले.
न्यूज पीसीएमसी Whatsapp Share करीता आपला मो.नं.रजिस्टर करा.