न्यूज पीसीएमसी नेटवर्क
पिंपरी (दि. २९ नोव्हेंबर २०१९) :- माहे २४ जून ते १७ ऑक्टोबर २०१९ या कालावधीत बालेवाडी क्रीडा संकुल येथे कौशल्य चाचणी प्रवेश प्रक्रिया पार पडल्या. या प्रक्रियेद्वारे वेटलिफ्टिंग खेळामध्ये क्रीडा प्रबोधिनी माध्यमिक व उच्च माध्यमिक विद्यालय बालेवाडी क्रीडा संकुल येथे प्रवेश घेण्यासाठी आरोपी अनिकेत याने त्याचा शाळा सोडल्याचा दाखला, आधार कार्ड, डोमासाईल प्रमाणपत्र, जन्मदाखला ही बनावट कागदपत्रे सादर केली.
बनावट कागदपत्रांच्या आधारे क्रीडा संकुल प्रशासनाची दिशाभूल व फसवणूक केली आहे. अनिकेत मुकुंदराव देशमुख (रा. अमरावती) असे गुन्हा दाखल झालेल्या इसमाचे नाव आहे. याप्रकरणी सोमनाथ जगन्नाथ ढाकणे (वय ५०, रा. रहाटणी) यांनी हिंजवडी पोलीस ठाण्यात फिर्याद दिली आहे. याबाबत गुन्हा दाखल करण्यात आला असून हिंजवडी पोलीस तपास करीत आहेत.
न्यूज पीसीएमसी Whatsapp Share करीता आपला मो.नं.रजिस्टर करा.