न्यूज पीसीएमसी नेटवर्क
पिंपरी (दि. २३ मार्च २०२०) :- परदेशातून पिंपरी-चिंचवड शहरात आलेल्या १ हजार २१ नागरिकांना ‘होम क्वारंटाईन’मध्ये (वेगळ्या कक्षात) ठेवण्यात आले आहे. या नागरिकांनी किमान १४ दिवसासाठी व आवश्यकता भासल्यास पुढील २८ दिवसांपर्यंत घरातच थांबणे आवश्यक आहे.
मात्र यापैकी दहा नागरिकांनी ‘होम क्वारंटाईन’चे उल्लंघन केले आहे. त्यामुळे त्यांना महापालिकेने नोटीस बजाविली आहे. दरम्यान, आजअखेर शहरातील ३ लाख ७३ हजार ४१४ नागरिकांचे सर्वेक्षण करण्यात आले आहे. प्रशासनाच्या सूचनांचे पालन न केल्यास होम क्वारंटाईनमधील नागरिकांवर कारवाई केली जाणार आहे.
त्यानुसार त्यांना पोलिसांमार्फत ताब्यात घेऊन १४ दिवस क्वारंटाईनची व्यवस्था केलेल्या ठिकाणी राहावे लागणार आहे. या आदेशाचे उल्लघन करणा-यांना कायद्यानुसार सहा महिन्यांपर्यंत शिक्षेची तरतूद आहे. त्यामुळे नागरिकांनी सर्व सुचनांचे पालन करावे, असे आवाहन महापौर उषा ढोरे, सभागृह नेते नामदेव ढाके यांनी केले आहे.
न्यूज पीसीएमसी Whatsapp Share करीता आपला मो.नं.रजिस्टर करा.