न्यूज पीसीएमसी नेटवर्क
पिंपरी (दि. २२ डिसें.) :- भाजपचे नगरसेवक तुषार कामठे यांनी महापालिकेतील नागरवस्ती विकास योजना विभागातील अखिल भारतीय स्थानिक स्वराज्य संस्थेच्या प्रशिक्षण संस्थाबाबत महापौर राहुल जाधव यांना प्रश्न विचारले होते.
ऑल इंडिया इन्स्टिट्यूट ही संस्था महिलांसाठी प्रशिक्षण देण्याचे काम करते. या संस्थेने आतापर्यंत किती महिला प्रशिक्षणार्थींना प्रशिक्षण दिले. महापालिकेचा अशा प्रकारच्या प्रशिक्षण घेण्यामागचा उद्देश काय? या संस्थेकडून प्रशिक्षण घेऊन किती महिलांनी स्वयंरोजगार सुरु केला? किती महिला उद्योजिका तयार झाल्या? या संस्थेला काळ्या यादीत टाकल्यानंतरही पुन्हा कार्यान्वित करण्यामागचा हेतू व कारणे स्पष्ट करा.
दरम्यान, महापालिकेने आजपर्यंत अशा प्रकारच्या प्रशिक्षणावर किती खर्च केला. त्याचा तपशील देण्यात यावा, असे प्रश्न कामठे यांनी विचारले होते. हे प्रश्न डिसेंबर महिन्याच्या महासभेत घेण्याची विनंती त्यांनी महापौर जाधव यांच्याकडे केली होती. परंतु, महापौर राहुल जाधव यांनी ते प्रश्न स्वीकारले नाहीत. त्यामुळे महापौर राहुल जाधव यांच्या कार्यशैलीबाबत प्रश्न उपस्थित होत आहेत.
न्यूज पीसीएमसी Whatsapp Share करीता आपला मो.नं.रजिस्टर करा.