- शासकीय कामात अडथळा; आरोपी अटकेत..
न्युज पीसीएमसी नेटवर्क
पिंपरी (दि. १०. मे. २०२१) :- पिंपळे सौदागर येथील शिवार चौकात वाहतूक पोलीस हे विनामास्क वाहन चालकांवर कारवाई करत होते. त्यावेळी आरोपी चारचाकी वाहनातून विनामास्क आला. पोलिसांनी त्याला थांबण्याचा इशारा केला असता तो वाहन न थांबवता पुढे निघून गेला. त्यानंतर सिग्नलला इतर वाहनांना अडथळा होईल, अशा पद्धतीने रस्त्यात वाहन उभे करून वाहतूक पोलिसाकडे आला.
त्याने फिर्यादीशी वाद घालून त्यांच्या हातात असलेले विनामास्क दंड करणारे पावती पुस्तक हातातून ओढून तसेच त्याचा वाहन परवाना पोलिसांच्या हातातून जबरस्तीने हिसकावून घेतला. शासकीय कामात अडथळा आणला. त्यांच्याकडून पावती पुस्तक घेत असताना त्याने पोलिसाच्या हातावर मारहाण केली. सरकारी कामात अडथळा निर्माण केला म्हणून गुन्हा दाखल करण्यात आला असून पोलिसांनी आरोपीला अटक केली आहे.
पिंपळे सौदागर येथे रविवारी (दि. ९) ही घटना घडली.सांगवी वाहतूक पोलीस शाखेतील कर्मचारी सतीश जनार्दन देवकर यांनी रविवारी (दि. ९) याबाबत वाकड पोलीस ठाण्यात फिर्याद दिली आहे.मनविंदर सिंग भाटीया (वय ४८, रा. रहाटणी), असे अटक केलेल्या आरोपीचे नाव आहे.