ट्रकमध्ये लोड केलेला माल इच्छित स्थळी न पोहोचवता एकाची आर्थिक फसवणूक…

न्यूज पीसीएमसी नेटवर्क

पिंपरी (दि. ७ जून २०२१) :- फिर्यादीने चालकाला ट्रकमध्ये २८ लाख ६३ हजार ८१० रुपये किंमतीचा माल नवलाख उंब्रे येथील श्रीनिवास कंपनीतून लोड करून दिला. नागपूर येथे महिंद्रा कंपनीत तो माल पोहोच करायचा होता. मात्र ट्रक चालकाने तो माल न पोहोचवता फिर्यादीची फसवणूक केली आहे.

हा प्रकार श्रीनिवास कंपनी नवलाख उंब्रे येथे २७ मे रोजी रात्री साडेआठ ते ५ जून दरम्यान घडला आहे. राजेंद्र कुमार हनुमान शर्मा (वय ६२, रा. प्राधिकरण, निगडी) यांनी या प्रकरणी तळेगाव एमआयडीसी पोलीस ठाण्यात फिर्याद दिली आहे. प्रमोद भगवान गुरनुले (रा. नवी टाकळी, जि. भंडारा), असे गुन्हा दाखल करण्यात आलेल्या ट्रक चालकाचे नाव आहे.