संत तुकारामनगरमध्ये पोलिसांचा छापा; गुटखा विक्रीप्रकरणी दोघेजण अटकेत..

•  एकावर गुन्हा दाखल; जवळपास दोन लाखांचा गुटखा जप्त…

न्यूज पीसीएमसी नेटवर्क

पिंपरी (दि. १५ नोव्हेंबर २०२१) :- पिंपरीतील संत तुकाराम नगर येथे कानिफनाथ जनरल स्टोअर्स नावाच्या दुकानात आरोपीने एक लाख ९५ हजार १७० रुपयांचा गुटखा विक्रीसाठी ठेवला होता. दुसऱ्याने त्याची खोली गुटखा साठवणूक करण्यासाठी उपलब्ध करून दिली. तर, तिसऱ्या आरोपीने गुटखा विक्रीसाठी मुख्य आरोपीला पुरवला.

सामाजिक सुरक्षा विभागाने शनिवारी (दि. १३) सायंकाळी सव्वापाचच्या सुमारास कारवाई केली. सहाय्यक पोलीस फौजदार विजय कांबळे यांनी पिंपरी पोलीस ठाण्यात फिर्याद दिली.

त्यानुसार तेजमल हरकचंद सुंदेचा (वय ४२), राजेंद्र किसन साठे (वय ४९, दोघे रा. संत तुकाराम नगर, पिंपरी), अशी अटक केलेल्या दोघांची नावे आहेत. त्यांच्यासह सागर पाटील याच्या विरोधात पोलिसांनी गुन्हा दाखल केला आहे.