न्यूज पीसीएमसी नेटवर्क
पिंपरी (दि. ०३ जुलै २०२२) :- शैक्षणिक वर्ष २०२२-२३ यासाठी इयत्ता १० वी नंतर महाविद्यालयात प्रवेश घेणाऱ्या विद्यार्थ्यांना पिंपरी-चिंचवड येथील शासकीय मागासवर्गीय मुलांच्या वसतिगृहात प्रवेश देण्याची प्रकिया सुरु करण्यात आली आहे.
विद्यार्थ्यांना वसतिगृहात प्रवर्गनिहाय गुणवत्तेनुसार प्रवेश देण्यात येणार असून, या ठिकाणी विनामुल्य निवासव्यवस्था, अंथरूण-पांघरुण, भोजन, पुस्तके, स्टेशनरी इतर शैक्षणिक बाबींकरिता आर्थिक सहाय्य तसेच दरमहा निर्वाह भत्ता इत्यादी सुविधा पुरविण्यात येणार आहे.
इच्छुक विद्यार्थ्यांना वसतिगृहात मोफत प्रवेश देण्यात येणार असून प्रवेश अर्ज वसतिगृहात उपलब्ध आहेत. वसतिगृहातून प्रवेश अर्ज घेवून जाण्याचे आवाहन शासकीय वसतिगृहाच्या गृहप्रमुखानी केले आहे.
न्यूज पीसीएमसी Whatsapp Share करीता आपला मो.नं.रजिस्टर करा.