दत्तक मुलाला आई-वडिलांकडून मानसिक त्रास आणि शिवीगाळ..

• मुलाचा विष पिऊन आत्महत्येचा प्रयत्न; आई वडिलांवर गुन्हा दाखल…

न्यूज पीसीएमसी नेटवर्क 

पिंपरी (दि. १३ नोव्हेंबर २०२२) :- लहानपणी फिर्यादीला आरोपींनी दत्तक घेतले होते. त्यांनी फिर्यादीला केवळ सातवीपर्यंत शिकवून आपल्या दुकानात कामाला ठेवले. लहानपणापूसन फिर्यादी दुकानातील काम पाहून सर्व पैसे आरोपी वडिलांकडे देत होते. मात्र, सर्व आरोपींनी मिळून फिर्यादीला मानसिक त्रास देत शिवीगाळ करत. त्यामुळे वारंवार होणाऱ्या त्रासाला कंटाळून फिर्यादीने आत्महत्या करण्यासाठी विषारी औषध प्राशन केले.

फिर्यादीवर दवाखान्यात उपचार करण्यात आले असून ते संकाटाच्या बाहेर असल्याचे पोलिसांनी सांगितले. ही घटना शुक्रवारी (दि. ११) रात्री साडेआठच्या सुमारास पिंपरीतील सलून सिझर ॲन्ड रेझर या दुकानात घडली.

या प्रकरणी या प्रकरणी हिदायत अन्वर शेख (वय २९, पिंपरी) याने पिंपरी पोलीस ठाण्यात शनिवारी (दि. १२) फिर्याद दिली. त्यानुसार पोलिसांनी फिर्यादीचे आई-वडिल, एक महिला आणि एका नातेवाईकावर गुन्हा दाखल केला आहे. पिंपरी पोलीस पुढील तपास करीत आहेत.