न्यूज पीसीएमसी नेटवर्क
पिंपरी (दि. 02 जानेवारी 2023) :- पिंपरी चिंचवड महानगरपालिका हद्दीतील नाशिक फाटा चौकातील पिंपळे गुरवकडून भारतरत्न जे.आर.डी. टाटा उड्डाणपूलावरून पुण्याकडे जाण्यासाठी खाली उतरणारा लूप बांधण्यात आलेला होता.
हा लूप निगडी दापोडी रस्त्यावर महामेट्रोचे काम चालू असल्याने आतापर्यंत वाहतुकीसाठी बंद ठेवण्यात आलेला होता. आता महामेट्रोचे काम पूर्ण झाले असल्याने मंगळवारी (दि. १) पासून हा लूप वाहतुकीसाठी खुला करण्यात आलेला आहे.
यावेळी पिंपरी चिंचवड महानगरपालिकेचे सह शहर अभियंता प्रमोद ओंभासे, कार्यकारी अभियंता बापूसाहेब गायकवाड, उप अभियंता विजयसिंह भोसले आणि भोसरी वाहतूक विभागाचे पोलीस निरीक्षक साळुंखे आदी उपस्थित होते.
या पूलामुळे वाहनांची कोंडी दूर होऊन वाहतूक सुरळीत होण्यास मदत होणार असल्याची माहिती सह शहर अभियंता प्रमोद ओंभासे यांनी दिली आहे.
न्यूज पीसीएमसी Whatsapp Share करीता आपला मो.नं.रजिस्टर करा.