राष्ट्रवादी अजित पवार गटाचा रविवारी “कार्यकर्ता संकल्प मेळावा”..

• उपमुख्यमंत्री अजित पवारांची कार्यकर्त्यांना भेटण्याची ही वेळ आहे राखीव…

न्यूज पीसीएमसी नेटवर्क

पिंपरी (दि. १९ जुलै २०२४) :- राष्ट्रवादी काँग्रेस पक्ष, पिंपरी चिंचवड शहर (जिल्हा) “कार्यकर्ता संकल्प मेळावा” रविवार दिनांक २१ जुलै २०२४ रोजी राष्ट्रवादी काँग्रेस पक्षाचे राष्ट्रीय अध्यक्ष तथा उपमुख्यमंत्री अजितदादा पवार यांच्या प्रमुख उपस्थित आयोजित करण्यात आला आहे.

तसेच पिंपरी चिंचवड शहरातील सर्व आजी माजी आमदार, महापौर, नगरसेवक, नगरसेविका, सेल अध्यक्ष व पदाधिकारी, कार्यकर्ते यांची वैयक्तिक भेट घेण्यासाठी अजित पवार सकाळी ०८:०० ते ११:०० यावेळेत रागा पॅलेस, काळेवाडी येथे उपस्थित असणार आहेत.

त्यानंतर राष्ट्रवादी काँग्रेस पक्षाचा “कार्यकर्ता संकल्प मेळावा” रागा पॅलेस, बी.आर.टी. रोड, काळेवाडी येथे सकाळी ११:०० वाजता आयोजित करण्यात आला आहे. या मेळाव्यास बहुसंख्येने उपस्थित राहण्याचे आवाहन राष्ट्रवादी काँग्रेस पक्ष, पिंपरी चिंचवड शहर (जिल्हा) च्या वतीने करण्यात आले आहे.