पोलिसांच्या सिटीझन पोर्टलद्वारे आता करा थेट ऑनलाईन तक्रार…

न्यूज पीसीएमसी नेटवर्क

पिंपरी (दि. १३ सप्टेंबर २०२४) :- पोलिस ठाण्यात जाऊन तक्रार नोंदविण्याची प्रक्रिया किचकट आहे. त्यासाठी काही लोक गंभीर प्रकार झाला, तरी तक्रार नोंदवत नाही. आता घरबसल्या ई. तक्रार दाखल करता येते. याची पोलिसांना दखल घ्यावी लागते. कोठूनही कोणत्याही पोलिस ठाण्यात, अशी तक्रार देण्याची सुविधा सिटीझन पोर्टल व पिंपरी-चिंचवड पोलिसांच्या संकेतस्थळावर उपलब्ध आहे. त्या पोलिस ठाण्याच्या लॉगइनवर ती तक्रार वरिष्ठांनाही दिसते. त्यामुळे तक्रारींवर कारवाई करावीच लागते.

सिटीझन पोर्टलवर तक्रार करता येते. ती एफआयआर पोलिसांना दिसते. तक्रार दाखल झाल्यानंतर तपास अधिकाऱ्यांच्या निर्देशानुसार संबंधितांना ठाण्यात उपस्थित राहावे लागते. सीसीटीएनएस प्रणालीअंतर्गत अनेक सुविधा मिळत आहेत. या अंतर्गतच ई-एफआयआर दाखल केला जातो. त्यासाठी सिटिझन पोर्टलचा वापर करावा लागतो.

ई-एफआयआर दायल करण्यासाठी सिटीझन पोर्टलवर अकाउंट करणे आवश्यक आहे. त्यानंतरच तक्रार देता येते. त्यासाठी अधिकृत मोबाइल क्रमांक जोडावा, सिटीझनवरील तक्रारीची पोलिस खात्री करतात. यासाठी परिपूर्ण माहिती भरूनच तक्रार करणे अपेक्षित आहे. खरी माहिती भरणे अनिवार्य आहे. ई-एफआयआर म्हणजे पोलिसांकडे ऑनलाइन तक्रार दाखल करणे होय. ऑनलाइन प्लॅटफॉर्मद्वारे कोणीही कुठूनही पोलिसांकडे तकार करू शकतो. पोलिस सेवा अधिक सुलभ आणि प्रभावी बनवणे हा है-एफआयआरचा मुख्य उद्देश आहे.

ई-एफआयआर म्हणजे पोलिसांकडे ऑनलाइन तक्रार दाखल करणे होय. ऑनलाइन प्लॅटफॉर्मद्वारे कोणीही कुठूनही पोलिसांकडे तकार करू शकतो. पोलिस सेवा अधिक सुलभ आणि प्रभावी बनवणे हा है-एफआयआरचा मुख्य उद्देश आहे.                                – संदीप डोईफोडे, पोलिस उपायुक्त, गुन्हे शाखा, पिंपरी-चिंचवड…