पिंपरी चिंचवड शहर पत्रकार संघाची नवनिर्वाचित कार्यकारिणी जाहीर..

• अध्यक्षपदी सायली कुलकर्णी, उपाध्यक्षपदी विनय लोंढे, रेहान सय्यद यांची नियुक्ती…

न्यूज पीसीएमसी नेटवर्क

पिंपरी (दि. १६ ऑक्टोबर २०२४) :- पिंपरी चिंचवड शहर पत्रकार संघाच्या अध्यक्षपदी पत्रकार सायली कुलकर्णी यांची निवड करण्यात आली आहे. उपाध्यक्षपदी विनय लोंढे आणि रेहान सय्यद यांची निवड करण्यात आली.

अखिल भारतीय मराठी पत्रकार संस्था ( रजि.) या संस्थेशी संलग्न असलेल्या पिंपरी चिंचवड शहर पत्रकार संघाच्या नवीन पदाधिकाऱ्यांची निवड पुढील एक वर्षासाठी (सन २०२४ ते २०२५) करण्यात आली आहे.

पत्रकार संघाचे पदाधिकारी व सभासदांची मंगळवारी बैठक घेण्यात आली या बैठकीत अध्यक्षपदी सायली कुलकर्णी (माझी सखी सोबती); उपाध्यक्षपदी विनय लोंढे (खरा सामना), रेहान सय्यद (शबनम न्यूज), सचिव संतोष जराड ( न्यूज पीसीएमसी), कोषाध्यक्ष गणेश शिंदे (न्यूज २४ महाराष्ट्र); सदस्यपदी बापूसाहेब गोरे (माझा आवाज), विश्वास शिंदे (पुणे दर्शन), अशोक लोखंडे (न्यूज पीसीएमसी) यांची निवड करण्यात आली.

पिंपरी चिंचवड शहर पत्रकार संघाला अनेक वर्षांची परंपरा असून पत्रकार अधिवेशन, पत्रकार कार्यशाळा, दिवाळी फराळ, पत्रकारांच्या प्रश्नाची सोडवणूक करण्यासाठी प्रयत्न करणे, असे अनेक उपक्रम पत्रकार संघाच्या माध्यमातून राबविले जातात. पत्रकार संघाच्या सन २०२४-२५ साठी नूतन कार्यकारिणी निवड झाल्याने पदाधिकाऱ्यांचे सर्व स्तरातून अभिनंदन केले जात आहे.