न्यूज पीसीएमसी नेटवर्क
पिंपरी (दि. ०४ मार्च २०२५) :- पिंपरी-चिंचवड महानगरपालिकेने सार्वजनिक आरोग्य व्यवस्थापन आणि माहिती प्रणाली (HMIS) अहवालानुसार राज्यातील महानगरपालिकांमध्ये प्रथम क्रमांक मिळवण्याचा मान पटकावला आहे. राज्य कुटुंब कल्याण कार्यालय पुणे यांनी हा अहवाल प्रसिद्ध केला असून या अहवालात १ एप्रिल २०२४ ते ३१ जानेवारी २०२५ पर्येंतच्या आकडेवारीचा समावेश करण्यात आला आहे.
सार्वजनिक आरोग्याच्या विविध निकषांवर, विशेषतः कुटुंब कल्याण, मातृ व बाल संगोपन, तसेच नियमित लसीकरण कार्यक्रम यामध्ये पिंपरी- चिंचवड महानगरपालिकेने उल्लेखनीय यश संपादन केले आहे. राज्य कुटुंब कल्याण कार्यालयाने प्रसारित केलेल्या जानेवारी २०२५ च्या अहवालानुसार, पिंपरी- चिंचवड महानगरपालिकेने ९२ गुण मिळवत अव्वल स्थान मिळवले आहे.
नागरिकांचे सहकार्य आणि प्रशासनाच्या सातत्यपूर्ण प्रयत्नांमुळेच हे यश मिळाले आहे. भविष्यात अधिक व्यापक आणि दर्जेदार आरोग्यसेवा देण्यासाठी आम्ही सातत्याने विविध उपक्रम राबवण्यावर, उपाययोजना करण्यावर भर देत आहोत.
– शेखर सिंह, आयुक्त तथा प्रशासक, पिंपरी- चिंचवड महानगरपालिका…
न्यूज पीसीएमसी Whatsapp Share करीता आपला मो.नं.रजिस्टर करा.